VESTERVEG
"Vesterveg tar med lyttaren på ei musikalsk reise vestover.
Ved å miksa tradisjonelle og moderne melodiar frå Noreg og Dei Britiske Øyer skapar Vesterveg ein unik kombinasjon av lyrisk og kraftfull musikk.
Alt bygd på ein djup respekt for deira eigne tradisjonar."
- Catriona Macdonald, String Sisters
OM BANDET
Hardingfela møter sekkepipa
Studentutvekslinga mellom Noreg og Newcastle-Upon-Tyne bar frukter: Vesterveg blømer til musikalsk samarbeid over Nordsjøen.
Musikken deira blandar saumlaust originale arrangement med eldgamle tradisjonelle slåttar og moderne komposisjonar. Resultatet blir eit unikt og mangfaldig lydbilete ulikt alt anna.
Gjennom å henta repertoar og musikalsk arv frå heile breidda av Skandinavia og dei britiske øyer, eksperimenterer Vesterveg med deira felles musikalske historie og miksar det beste frå musikarane sine tradisjonar.
Når Ingrid (NO) sitt kraftfulle durspel møter Lisa (NO) sitt hypnotiske felespel og smeltar saman med Bob (UK) sine lyriske fløyter og sekkepipe, oppstår ein dynamisk miks som kjenner seg heime i folkemusikken, men som har ei frisk og moderne innpakning.
BIOGRAFI
Trioen vart danna i 2018 då Ingrid Sørheim og Astrid Garmo reiste i "vesterveg" til Newcastle University i England for å studera britisk og irsk folkemusikk. Møtet mellom durspelet, hardingfela og sekkepipa resulterte i ein unik sound, og dei utforskar grensene mellom norsk og britisk folkemusikk med energiske og friske arrangement.
I dag består bandet av Ingrid, Bob og Lisa Haugeland, som Bob møtte på Universitetet i Sør-Øst Norge på hans eiga utveksling til Noreg i 2018.
Vesterveg = omgrep som vart brukt om å reisa i vikingferd mot vest til Storbritannia, Irland og Vesterhavsøyene Shetland, Orknøyane og Hebridane
 |  |  |
|---|
BANDMEDLEMER
Vesterveg er Ingrid Sørheim, Lisa Haugeland og Bob Downham.
Les under for å bli meir kjent med musikarane.
INGRID STANDAL SØRHEIM
Durspel
Ingrid Sørheim (f. 1996) frå Norheimsund i Hardanger er frilans folkemusikar på durspel og har ein bachelor i utøvande tradisjonsmusikk frå Ole Bull Akademiet. Ho var på utveksling i Newcastle, England i 2018/19, og der forelska ho seg i den britiske folkemusikken. Ingrid Sørheim er kjent for å fengsla publikum med si sterke formidling og varme utstråling. Når ho ikkje blandar norsk og britisk folkemusikk med Vesterveg, fordjupar ho seg i heimtradisjonen frå Hardanger og skriv låtar med vise-folkbandet Veijr.
BOB DOWNHAM
Fløyter og sekkepipe
Bob Downhan (f. 1999) speler fløyte og irsk sekkepipe. Han er frå Ledston Luck, vest i Yorkshire. Bob har ein bachelorgrad i Folk- og tradisjonsmusikk frå Universitetet i Newcastle, og jobbar for tida med ein mastergrad i komposisjon. Han har stor interesse for den norske folkemusikken og har vore på utveksling som student ved Universitetet i Sør-Øst Norge, Rauland.
LISA HAUGELAND
Flatfele og hardingfele
Lisa Haugeland (f. 1993) frå Flekkefjord er musikar som bur i Kviteseid. Ho har utdanning innan folkemusikk ved Universitetet i Sør-Øst Norge avd. Rauland. Lisa har fordjupa seg i tradisjons-musikken frå heimtraktene i Vest-Agder, men har også eit hjarte for den britiske musikken.
Ho er mest aktuell med trioen Vesterveg og i duoen Gautefald og Haugeland.
Speler på: Feler i alle farger; en lys, en mørk og en rød.
Liker: Jesus, folkemusikk, dystre melodier og krabbe.
Misliker: Kalde skiturer og lukten av lutefisk.
Yndlingsdans: Oy.. Kan man bare velge en?
KONTAKT
+47 90291180
